الرئيسية
أحدث الصور
التسجيل
دخول
ياووووو wAs'Up aLL
سلام عليكم جميعا
لو تسمحولى اخوانى اوضح شوية حاجات عن الراب والهيب هوب مخفية عن بعضنا و احب احكي قصة الهيب هوب اللى يعتبر هو هو الراب بس مع اختلاف شوية حاجات بسيطة
الراب اصله افريقي مليون بالمية من الارتجال و تأليف قوافي و سجع و حتي البرك دانس كان عبارة عن رقصات لبعض القبائل الافرقية و الراب تقدر تقول انه مالوش مخترع او مؤسس لانه عبارة عن مزج بين حضارات افريقية قديمة و ظروف معاصرة امريكية حديثة
اما الهيب هوب اللى بيعتر مش فن بس لا ده بيعتبر ثقافة و حضارة كاملة
الهيب هوب هو التطور الطبيعي مش للحاجة الساقعة طبعا التطور الطبيعي لمزيكا الراب و البريك دانس و يرجع الفضل لنشأة الهيب هوب لل Dj's
و طبعا الكلام ده مش من تأليفي لا ده من واقع جهد و بحث و مقابلات صحفية للرابيرز الاوائل و تقدر تتأكد من لكلام ده كله من الفيلم الوثائقي قافية و سبب Rhyme& Reson
و الكلام كله تقدر تتأكد منه لما تشاهد الفيلم
معلومات عن الفيلم
Plot:
A video history following the rise of rap music, from the simple street rhythms of the Bronx to a powerful force in the music industry, and its popular off-shoots, hip-hop and house. Includes a look at some of the major performers in the field as well as interviews with such artists as Heavy D, The Fugees, Ice-T, The Notorious B.I.G., and Salt-N-Pepa.
Credits
Cast:
* Dr. Dre
* Notorious B.I.G.
* M.C. Eiht
* KRS-One
* Nas
* Wu-Tang Clan
* Ice-T
* Fugees
* Da Brat
* L.B.C. Crew
* Redman
* Master P
* Heavy D
* Salt-N-Pepa
* Lost Boyz
* Director : Peter Spirer
* Composer : Benedikt Brydern
* Editor : Andy Robertson
* Production Designer : David Wilson
* Producer : Charles X. Block Peter Spirer Daniel Sollinger
Reviews
"...RHYME & REASON is as entertaining and enlightening as the music it ********s..." -- Jae-Ha Kim , (Chicago Sun-Times)
اول حاجة كلمة M.c مش معناها مسيطر ميكروفون , مسيطر ميكروفون او مايك كونترولر دي كلمة عربية من اختراع تامر النفار مؤسس فريق الدام الفلسطيني علشان يسهل الكلمة و تبقي ميم ميم علشان يحاول يعمل فرق بسيط بين الهيب هوب العربي و الغربي اما المعني الاصلي ل M.C هي Master of Ceremonies و معناها بالانجليزي هي محفز الحشود او الراجل اللى بيعمل دوشة و قلبان في الحفلة او البارتي اللى هو بيقولوا عليه في مصر في الافراح الشعبية العادية بيبقي اسمه يباع كلام
و ده طبعا مع الفارق بين الاتنين و الفرق كبير
و طبعا عاوزين نوصل لان الام سي M.c للى بتتنطق بالانجليزية EmmCe ان الرابر حاليا هو اللى بايديه يحرك الحفلة او المناسبة من حركة الجمود لحركة نشاط و رقص و يغير الطابع الموجود للافضل اللى هو النشاط طبعا
تانى حاجة الهيب هوب كثقافة بدأت بعام 1974 عن طريق Dj.KooL Herc في جادة 123 برونكــس بالولايات المتحدة
مع العلم ان كول هيرك و دي صفحة البروفايل الخاصة بالاب الروحي للهيب هوب في العالم كله دي جي كول هيرك
من اصل جاماياكي ( زي شون بول كدة ) و الهيب هوب هو وليد شغل الدي جي زي ما احنا قولنا او التحكم في الاسطوانات اللى طلع منها اصوات الهيب هوب هو انه كان بيحب يشغل اغاني للموسيقي الريفية FarMs و,Funks موسيقي البوب زي جيمس براون اللى كان يعتبر وقتها هو المطرب الاول للامريكان السود و البيض كمان ,و اللى اتربي على صوته كل الرابيرز و الدي جيز
ف مرة راح دي جي كول هيرك مع اخته في حفلة لاحد اصدقائه و هو بيجرب بمحض الصدفة في الاسطوانات من سبيل التجديد و التدريب ( زي البروفات كدة في الحفلات الموسيقية انه بيسخن الاجهزة ) طلع اصوات تقطيع و خبط خفيفة و في نفس الوقت محبوبة و تشد الأذن للاستماع
من هنا جاله ترحيب من الموجودين في الحفلة اللى كانت زي ما انا قولت في جادة 123 حي برونكــس - الولايات المتحده
و مازالت لحد الان الجادة دي تعتبر المنزل الاول اللى شهد ظهور الهيب هوب للواقع
من هنا بعض الدي جي زي دي جي جراند ماستر بالاشتراك مع كول هيرك و اخرين بدأوا يحولوا المزيكا الخفيفة اللى طلعت من الاجهزة دي لقطع موسيقية بالفعل
علشان كدة كل نجوم الرب و الهيب هوب بيعتبروا دي جي كول هيرك هو الاب الروحي للراب و الهيب هوب في العالم كله
لانه بالاشتراك مع بعض زملاؤه حولوا المزيكا العادية اللى كانت بتتسمع من باب الفراغ و الرقص على الحركات الافريقية الخاصة بالقبائل
و حولوا المزيكا دي لثقافة شعب كامل
طبعا في كتير يختلف معايا عن اشهر الرابيرز و الهيب هوب ارتستس بس انا باتكلم عن الحاجات الاساسية اللى ما يختلفش عليها اتنين لان ده مش مجرد فن او مزيكا لا دي ثقافة شعب كامل
اما سبب ارتداء الملابس الواسعة الفضفاضة فده يرجع لحاجة تانية خالص و هي
طبعا في الفترة دي كان السود بيعيشوا فترة سيئة في حياتهم من اعتقالات و سجن و معارك و اشياء زي دي كتير
و طبعا كان معظم الموجودين في السجون من اصل اسود
و كان في السجن الملابس حجم واحد 1size بمعني ان اللبس مقاس واحد بس
التخين زي الرفيع و علشان كدة كان من الملاحظ ان كل المساجين بيرتدوا ملابس واسعة علشان المقاس يناسب الجميع
و طبعا لما المزيكا اتطورت من فن لثقافة و ثقافة خاصة بالسود و الاتينو بلاك اللى برده لونهم اسود كانوا لازم يشاركوا ابناء جنسهم المحبوسبن داخل السجون و لو حتي بالمشاعر و ارتداء ملابس على سبيل تقليدهم بمعني انتوا جوة و احنا زيكم برده ما بندوقش من متع الحياة ولا حتي اللبس
و بدل ما كانت الرقصات البريك دانس عبارة عن رقصات افريقية بلا معانى بدأت الرقصات تطور بمعني رفض الظلم و الاستعباد عن طريق الاشارات و المنع و الهروب
و في الوقت ده اللى هو السبعينات اندمج الراب مع الفن الوليد ( الهيب هوب) و اصبح الاتنين شبه واحد بمعني ان مش اى حد يقدر يفرق بين الراب وا لهيب هوب الا متخصص مع عدم وجود فوراق بينهم فعلا
و كان الاسلوب المتبع في الوقت ده للرابير هو انه يتكلم عن مشاكله و مشاكل جيرانه و ابناء منطقته على سبيل التشهير
بمعني اخر
ان الراب لما انتقل من شرق امريكا لغربها ما كانش حد بيعرف حاجة عن الرابيرز اللى في الشرق و زيهم في الغرب
علشان كدة كان لما بتتعمل حفلة او مؤتمر راب كان كل واحد اللى من نيو يورك او من فيلادلفيا او ما يشابه بيحاول يوصف الوضع اللى هو عايش فيه هو و ابناء حيه و متطقته و الولاية كاملة من ظلم و استعباد
و كان اول مؤتمر اتعمل للرابيرز هو مؤتمر جاك المؤدي Jack The RaPPers و اتعمل المؤتمر ده في فندق كبير و حصلت احداث شغب و عنف كما كان متوقع و حصلت اعتداءات من الشرطة (البيضاء) على الحضور ( الاسود)
و احب اذكر ان لحد دلوقتي بتعتبر الجادة (الحارة) 123 في حي برونكــس هو المقر الرسمي للهيب هوب للحظة اللى انا باكتب فيها الموضوع ده
و كل الرابيرز بيفتخروا انهم زاروا او اتولدوا بالقرب من المكان ده
و اتحول الراب في بعض الاحيان من مزيكا لتعبير عن المشاكل الى سبب لحدوث المشاكل عن طريق راب العصابات Rap Gangsta اللى اتخذت كل عصابة من عصابات الزنوج طريقة معينة و اسلوب معين للغناء و لو حتي تنتهي باطلاق النار على الخصم بمعني الانتصار
انا عاوز انهي الموضوع اللى لو فضلت اكتب فيه سنة كاملة مش هاقدر اوفيه حقه
لان بالفعل الهيب هوب و الراب ثقافة
حتي البريك دانس و الحركات بتاعته بتنم عن ثقافات مختلفة
العبارات اللى بتتكتب على الجدران في الشوارع نفسها ثقافة بمعني ان المدون ( الراسم على الجدارن ) بيحاول يعرف الناس ان في هنا عصابة بتحكم المكان و مين مات و مين فاز بمعني ان الجدران دي كانت في حد ذاتها مستند مهم في ثقافة الهيب هوب
الموضوع اكبر من انه يتعرض في منتدي او يتناقش في موضوع
احنا بنتكلم عن ثقافة كاملة
و احب اوضح و أأكد تانى ان الكلام ده مش من اختراعي ده من فيلم وثائقي اسمه قافية و سبب اتعمل سنة 1997 و شارك في التدوين تقريبا كل الرابيرز الامريكان اللى عاصروا انتشار و ازدهار الراب و الهيب هوب و منهم توباك (لقطات ارشيفية من حوارات سابقة قبل موته) و سنوبي سنوب دوج / دكتور دري / ناس / ايس تى ./ نيترو بيجي لحد ريد مان و اكزيــبيت مش هاقدر احصي كل الرابيرز المشاركين في الفيلم للتأكيد على مصداقيته و كلهم بيتكلموا ليه بيغنوا راب و ايه سبب الثقافة المخفية اللى كانت الشرطة و الحكومة بتحاول تقضي عليها اول ما اتولدت
بس اللى اقدر اقوله اى حد مهتم بالراب وا لهيب هوب يا ريت يتفرج على الفيلم ده و هو بدل ما يحب الهيب هوب و الراب هايعشقه و يتجنن اكتر بيه
و الاهم من كدة ان الراب وا لهيب هوب طلع من وسط العنصرية و الضياع يعني فن بيعبر عن حق و كل مظلوم يتفرج على الفيلم باذن الله ياخد دفعة جامدة من الامل لانه هايتأكد ان الحق لازم راجع تانى و الظلم مالوش أخر و دلوقتي بعد ما كان السود افقر شعب امريكا اصبحوا اغني اغنياء المشاهير مع اختلاف القضية لكن الاسباب من اضطهاد و قمع واحدة
تقبلوا تحياتي و آسف على الاطالة
وطبعا قبل ما انهي موضوعي لازم اقول و بكل فخر انى كان ليا الشرف انى اكلم دي جي كول هيرك شخصيا و هو شخصية لذيذة جدا و متواضع بطريقة رهيبة و انا فرحان جدا انى كان ليا الفرصة دي
منقوووووووول للافاده
