منتديات الاسكندرانيه

    ازاي تكتب راب ????????????

    شاطر
    avatar
    omar_kaka
    Admin
    Admin

    عدد الرسائل : 128
    العمر : 27
    الدوله : 0
    تاريخ التسجيل : 11/06/2007

    ازاي تكتب راب ????????????

    مُساهمة من طرف omar_kaka في الثلاثاء يوليو 01, 2008 1:42 pm

    ا- ازاي تكتب راب

    الصراحة كتير من الشباب الإيام دي بقة حبهم لأغاني الراب العربي بيزيد أكتر وأكتر وعايزين يبقو مغنيين راب وانا أولهم ومش عيب الصراحة

    عشان تكتب أغاني الراب لازم تتبع القواعد التالية :::

    شغل اللحن وألف عليه واختار لحن كويس للموضوع

    وماتخليش في بالك غير الاغنيه الي بتألفها

    ويفضل انك تألف علي ورقه

    عشان في ناس بيألفو علي الكمبيوتر ويفتحو نوت باد

    الطريقه دي بتشتت افكارهم

    فالورق احسن

    .................................................. .................

    تعرف ايه هوة الـ VERSE , الجسر ( الوصله )
    لازم تكون كلماتك قويه للـ اللازمه


    ( chorus ) ..
    هو المقطع البتسمعو بين كلـ Verse و Verse وقت الغنا , وبما انه الراب بيجي زي الضربـ , يعني كلام و ايقاع سريع .. بيكون الكورس فيه غنائي و شعري محكم ..


    الـ Verse ..
    هي مقاطع الاغنيه الغنائيه ( الضربات ) , يعني لما يقلك B-Boy اضرب ضربتك .. يبقى لازم تديه المقطع بتاعك بالاغنيه , المقاطع بتكون بتتكلم عن موضوع معين .. مش كل مقطع بيتكلم عن حاجة ! عشان مايروحش معنى الاغنيه

    الـ جسر ..
    هو مقطع غنائي , ممكن يكون راب او ممكن يكون غناء عادي R&B عشان يربطلك الـ Veres مع البعدها .. وبالاغلب بيجي بعد الانتهاء من غناء الـ ( الكورس )

    -------------------

    طيب استفدنا ايه؟ عرفنا مقاطع اغنية الراب بتتكون من ايه

    لما تيجي للكتابه .. في حاجة اسمها Bar ( مش قصدي بار بتاع الرقص والويسكي و الهز يا وز ) ...
    هوة عبارة عن 4 أسطر ... وكل بار لازم يكون فيه توازن بالقافيه ..

    وبعد ما تخلص براحتك و تكون الـ Verse .. لازم تنهيـه بـ قفلة .. و القفله هي انك تدي كلمات نهائيه مع احساس انك خلصت اللي عندك ..


    .................................................. ..................

    2- ازاي تكتب أغنية الراب ::

    هية الصراحة زي ما بتكتب شعر وخواطر بالضبط وكمان ضروري جداً تراعي الأوزان


    3-ازاي تكتب كلمات وتوزنها
    الطريقه الأولي :- ناخذ مثال من اغنية MAkaROny & mido rap

    طلعت أنا والتيم
    لبيت اليتيم
    ناويين
    ان احنا نقضي أحلى أيام السنين
    يعني كل سطرين لازم يكون اخر حاجة نفس الحرف
    .........................م
    .........................م
    ــــــــــــــــــــــــ ن
    ــــــــــــــــــــــــ ن

    ويفضل استعمال الطريقه دي يعني اخر حرفين نفس بعض

    عشان تكون مميز وكلماتك لا تعلي عليها

    ========================

    الطريقه الثانيه من DJ Devil:-

    1-ماذقت طعم النوم ولا حسيت بالراحه

    2-سلمتج قلبي ورديتلي اياه مكسور

    3-وانتي خنتيني وقلبي زادت جراحه

    4-خليتيني منصدم والدنيا فيني تدور

    الطريقه دي لازم توزن بالأربع اسطر

    يعني الاول مع الثالث

    والثاني مع الرابع

    ======================

    الطريقه الثالثه :- الي بيستعملها ديمكس في اغلب اغانيه

    1- لي سموك انتا ربيعي وانتا الي اولهم
    2- من يعرف كيف يخون ويغدر قبلهم
    3-تحس انه قياسي اكثر مما تتصور
    4- من بق بروس طبعا هذا الي يقهرهم

    اول سطرين موزونين

    والتالت بيكون علي وزن الكلمه قبل الاخيره من السطر الثاني

    والرابع نفس وزن الاول والثاني

    ===========================

    ودي اشهر الطرق لتأليف الكلمات

    ودلوقتي في ناس بيألفو وبيهبلو في اللحن

    ومايعرفوش دا كورس او لا وماييعرفوش بيألفو ايه

    انا بقولكم انه تقريبا كل الحان الراب 16 سطر وكورس ويكون 3 مقاطع راب

    ==========================


    4- دلوقتي الحاجة الحلوة وهي ازاي تغني الراب ::

    دول كام حاجة لازم تعرفها اوك

    - لما تيجي تقف خلي ضهرك في مستوى مستقيم وبس بدون تصلب يعني استقيم بشكل ناعم وما تميلش لأدام أو لورا.
    . 2- أضلاع صدرك خليها لفوق وكأنك تأخذ نفس عميق .
    3- خلي كتافك معدولة ومربعة وماتخليهاش مدورة يعني ما تتنيهاش لأدام ولا لورا .
    4- ارفع رأسك شوية بشكل بسيط يعني ما ترفعهاش كتير كأنك بتبص إلى أعلى مكان وما تنزلوش كأنك بتبص إلى الأسفل وكل ده لتمرير الصوت بمرونة وعشان تستريح الأحبال الصوتية وتخرج بطلاقة وراحة .
    5- أبعد رجليك عن بعض شوية .
    6- في وقوفك ما تشدش ركبتك وخليها مرتخية شوية .
    ==========================
    5- دلوقتي ازاي تتنفس
    :
    1- ملاحظة جدّاً مهمة: لازم تبص للعيل الصغير وهو بيتنفس هتلاقي بطنه بس بتتحرك في التنفس . الملاحظة دي هي اللي احنا عايزينه وهي حاجة أساسية في التنفس .
    2- إذا اتنفست وعلي صدرك واكتافك يبقى أنت كده دخلت في المنطقة الغلط .
    3- حاول تتمرن على التنفس من البطن وهو الحاجة الوحيدة اللي بتتحرك بس . خد نفس من بطنك وطلعه ببطء وبدون صوت بس هوا ( هففففففففف) مش ( حححححححححححح ) حاول تتدرب على كده كتير لأن كل الكورال الممتاز بيبدأ من كده ومثال على كده لما تنفخ ( بالونة ) هتلاقي ان انت لما تأخذ نفس كامل وعايز تنفخ يبقى انت تقدر تنفخه بسرعة بضغط نسبة كبيرة من الهوا لبرة وده مش عاوزينه. اللي عاوزينه أنك تنفخ البالونة بشكل متدرج وخفيف عشان ده بيطول النفس لما كنت بتعمله خلال 20 ثانية هيزداد إلى 40 ثانية مثلاً
    4- الخطوة اللي فاتت بتتطلب تحكم بعضلات البطن بشكل قوي .
    5- لازم ترتب خروج الهوا عند الأداء بين الجمل اللحنية الصوتية فما تأخذش نفس في حتة بشكل ارتجالي لازم تخطط لكدة قبل ما تنشد عشان تتم كل حاجة بشكل منظم . دلوقتي نبدأ

    6- نتطرق للمطلوب للحفاظ على الصوت



    و ياريت تركزوا وتهتموا باللي هأقوله وأكتبهلكم
    1- خليك جد ومهتم بحفظ صوتك بشكل قوي عشان تهتم بكل التفاصيل اللي بتفيدك في حفظ صوتك صحيّاً .
    2-خلي ودانك دافية وما تعرضهاش لأي برد لأن ده ممكن يخليها سليمة .
    3- دائماً أغسل ايدك قبل ما تلمس بيها وشك عشان تمنع دخول أي حاجة مضرة لمناخيرك وما يسببلكش زكام وأنفلونزا وغيرها من الأمراض ذات التأثير القوي على الحنجرة والصوت .
    4- ركز على مناخيرك وخليها دايما نظيفة وحاول ما تتعرضش لأي هواء قوي فيه جراثيم عشان ما يسدش مناخيرك . لأن مناخيرك ليها علاقة قوية بالصوت وخاصة الطبقات الصوتية فكل ما بتنفتح مناخيرك وصلت لطبقات أكتر وقوة صوت أكتر . وعلى سبيل المثال ( لا قدر الله يعني ) كل اللي بيجيله زكام يحاول يرفع صوته ويبص هل هو يقدر يرفع طبقات صوته عالي جدا ؟؟ ويقفل مناخيره كمثال تاني ويشوف ايه اللي هيحصل في صوته من تأثيرات سمعية وجوهرية في الصوت . ولتحديد الكلام أكتر وأكتر :

    أ - إشرب كتير جدا جدا مية دافية لأن ده ممكن يخلي حنجرته طرية مزيتة لينة تساعدك في التحكم بيها بدل ما تكون جافة تعكر عليك الأداء بعدم التحكم بها صح .
    ب - لو كنت بتشرب سجاير يبقى لازم تسيبها نهائي لأنه من أشد الحاجات اللي بتبوز عليك الأحبال الصوتية والحنجرة , كمان ما تقعدش مع المدخنين عشان ما يتسربش الدخان ليك .
    ج - حاول أن تخفف كتير جدا من الألبان ( لبن + روب وغيره ) لأنه بشكل تدريجي هيزيد من المادة المخاطية أو البلغم واللي هتؤثر في الحنجرة
    د - لما تكون عايز تمرن حنجرتك على الإنشاد لازم ما تبدأش بقوة وبزعيء لأ تبدأ تدريجي تبدأ بآهات خفيفة وهمهمات وكدة يعني وتدريجياً توصل لطبقات القرار بعدين الطبقات الوسطى بعدين الجواب بشكل بسيط لحد ما توصل للجواب بوضوح , فما تنسوش التدرج .
    هـ - لو كنت تعبان جسدياً ونفسياً فما تعملش حاجة واستريح عشان ما يكونش جهد فوق جهد وتعب فوق تعب لأما انت مش هتبدأ صح لأنك هتبداً من بعد تعب .
    ز - لو كنت رايحً للمكان اللي هتغني فيه حط عليك ( كمامة ) عشان تمنع دخول أي حاجة في الهوا و تحافظ على صوتك . لازم تركز على الحاجات دي لأنها مهمة جدّاً للمغني
    ح - حاول أن تاكل الفواكة التي فيها فيتامين c .
    ط - إشرب عصير الليمون والعسل . واشرب ( الينسون ) عشان ليه تأثيرات عجيبة على الصوت .
    ي - ما تكحش جامد لأن ده بيجرح الأحبال الصوتية ويؤثر على الصوت بشكل فظيع . ك - شم بخار الماء بالنعناع لأن له تأثير حلو .
    ل - حبوب ( الفيكس ) استعملها بس بشويش .
    م - اشرب الزنجبيل (و الينسون والفكرة فيه انه هيطري الحلق او منطقة الأحبال الصوتية.. عشان تتحكم كويس في الصوت .. بس ما تغليش المي على الآخر ) مع الماء السخنة المعقولة مع العسل لأن ده ليه تأثيرات قوية .
    * وكمان حاول تسجل على أغاني معروفة عشان تتدرب على الغنا فوق السمع وبقصد بيه كتير من الناس وهما في التسجيل لما يحطوا ( الهدفون ) بتكون طبقته مختلّة شويةً لأنه ركّز على اللي بيسمعه ونسي طبقته .

    ولازم يعادل بين اللي بيسمعه عشان يغني عليه وبين أن هو يسمع صوته في الهدفون عشان ما تختلش الطبقة . لازم المهندس يعرف الحاجات دي عشان ما يقعش في مشاكل صوتية مع المغنيين . نصيحة للمغنيين : خلي صوتك في ( الهدفون ) أقل من صوت الـ Beat التي هتركب صوتك عليه . لأنه في النهاية إحساس السمع عندك هيكون صح في سمع الطبقة الصح وصوتك هيتضمن الطبقة الصح فيه .

    * ومن ضمن النصايح عند الأداء : افتح بقك كويس عشان تخرج الحروف واضحة وللأسف احنا بنسمع كتير من الحروف المبهمة و الغير واضحة عند بعض الناس والسبب انهم مش عارفين ازاي يطلعو الحرف ..


    اوك لحد دلوقتي تمام طبعا بعضكم هيسأل عن مايك روحوا عند جرير(في السعودية) هتلاقوا مايك سعره 130 ريال usb يستخدمه اغلبية الرابر

    الصراحة المايك دا أنا ما جربتوش لأني لسة ما عملتش ولا سونج بس ناوي بعد ما أخلص امتحانات وعلى فكرة تصفية الصوت ضرورية وأهم حاجة يكون المايك أصلي

    =====================================


    _________________

    alex boyz rap
    omar mega

      الوقت/التاريخ الآن هو الجمعة يونيو 22, 2018 9:55 pm