منتديات الاسكندرانيه

    مهم جدااااااااا ... نصائح للمبتدأين في الراب

    شاطر
    avatar
    omar_kaka
    Admin
    Admin

    عدد الرسائل : 128
    العمر : 27
    الدوله : 0
    تاريخ التسجيل : 11/06/2007

    مهم جدااااااااا ... نصائح للمبتدأين في الراب

    مُساهمة من طرف omar_kaka في الثلاثاء يوليو 01, 2008 1:24 pm

    السلام عليكم و رحمه الله وبركاته

    الموضوع ده يخص نصائح للمبتدأين في الراب


    كل واحد عنده نصيجه عايز يقولها يكتبها في رد وانا هجمعها هنا علي هيئه نقط علشان تبقي مرجع للناس

    1
    عدم كتابه كلمات ضعيفه ..او بمعناه اصح ميكونش فبها تعبير

    2
    عدم السرعه في التسجيل للتنزيل التراك في المواقع و المنتديات
    أتقن التراك وتاكد من عدم وجود اخطاء فيه و جوده التسجيل لان محدش هيسمع تراك الكوليتي بتاعته وحشه

    3
    عدم سماع اي حد بيغني راب عربي وبالذات لو انت معجب بيه ...لانك هتتأثر بيه وتاخد نفس
    الاستيل بتاعه و نفس الفلو و نفس طريقع التعبير

    4
    مراعات القافيه .. و العمل علي تغيرها في كل 4 برات او 8 برات
    علشان الناس متحسش بملل ..او تزهق من القافيه دي

    5
    احساسك في الاغنيه ... مهم جدا

    6
    علشان تعمل فلو كويس ... ده بيعتمد علي القافيه و ترتيبها في الكلام
    يعني مش لازم ... تكتب جمله وتحط في اخرها قافيه
    يفضل انك تزود القافيه في الجمله الواحد ,,وانا مش بقصد الكلمات المتشابهه

    8
    يبقي ليك طريق تمشي فيه ... استيل مميز ..فلوه معين .. تعبيرات معينه
    علشان تبقي مميز عن غيرك ... يبقي ليك بصمتك

    9
    أكبر واخطر حاجه بتقع فيها الناس ...وانها بتنزل تركات كتير وراه بعض
    التركات الكتير عمرها ما تعمل اسم ...ممكن تعمل تراك واحد كل فتره بس يكون تراك صح
    بمعني الكلمه

    10
    احذر من ان الانطباع الاول يدووووووووووم ... يعني لو انت نزلت اول اغنيه وطلعت وحشه
    الناس مش هتسمعك تاني ... هتتجنبك

    11
    احرص علي انك تاخد رأي ناس بتفهم في المجال مش الناس العاديه او اصحابك
    لان تاكد انهم هيجملوك و المجامله اول طريقك للفشل
    -أتقبل النقد لان النقد ده هو اللي هيخليك تحسن من نفسك ومتسميش النقد احباط


    12
    لما تنزل تراك متقارنش نفسك بالمبتدأين قارن نفسك بالناس القديمه علشان تعرف مكانك فين بالظبط
    وانت موقعك وسطيهم ايه ... علشان تتقدم

    13
    حاول ان تختار الحان تتناسب مع طبقت صوتك و المناسبه لجو الموضوع

    نصائح من رابرز اخريـــــــــــن
    K4 , MEZO ,ROCK ,Flex

    14
    اعتمد على نفسك و مدورش على حد يساعدك

    15
    مش مهم انك تعمل اغنية و خلاص المهم انك تعمل اغنية تعجب الناس و تشدهم و يسمعوها كل شوية

    16
    مش شرط انك عجبتك اغنية راب تقول انا حبقى رابر لازم تكون شايف فى نفسك الموهبة
    وتكون قادربالفعل انك تتدخل المجال دا ويكون ليك بصمة فيه


    17
    لما تعمل اغنية دور علي موضوع جديد كلام جديد فكرة جديدة
    مش كلو يبقي زي بعضة مش فلان غنى عن كزا وطلعت حلوة فاعمل زيها
    ..... ممكن تعمل اغنيه اتعملت لكن باسلوب جديد وبوجهه نظر جديده و بزوايه مختلفه

    18
    عمرك متعلق فشلك على حد اللى عايز ينجح بينجح غصب عن الكل

    19
    حاول تجدد في الاوزان و تقول اوزان متقلتش كتير ...متكونش مستهلكه يعني

    20
    حاول تعمل كلام الناس تفهموا علشان يبقي ليك جمهور يسمعك و تزود الناس اللي بيحبوا الراب

    21
    لما تكون عايز تتعلم حاجه في الراب اسمع انجلش كتير لان هما دولت الاصل لان كل الناس اللي بدأت اتعلمت من الراب الانجلش



    يا جماعه انا كتبت النصائح دي علشان شوفت ناس كتير بتوقع فيها ... وانا وقعت في بعض الاخطاء دي واي حد عايز يزود اي نصيحه يكتبها هنـــــــــــــــــــــــا
    مع تحياتي

    Romel-B [UG BOUND]

    منقوووووووووووووووول
    egyrap.net


    _________________

    alex boyz rap
    omar mega

      الوقت/التاريخ الآن هو الأحد مايو 27, 2018 8:19 am