منتديات الاسكندرانيه

    كلمات اغنيه: الصراحه _ اسفلت

    شاطر
    avatar
    omar_kaka
    Admin
    Admin

    عدد الرسائل : 128
    العمر : 27
    الدوله : 0
    تاريخ التسجيل : 11/06/2007

    كلمات اغنيه: الصراحه _ اسفلت

    مُساهمة من طرف omar_kaka في الأحد يونيو 29, 2008 2:42 pm

    الصراحه _ اسفلت راب

    ايهاب عادل:

    دلوقتي ممكن اوصفلكم ازاي احساس الناس بيتهدم
    و كام واحد من اصحابي خسروني و عليهم بتندم
    قسيت كتير من جرحهم لكن انا منهم بتعلم
    و النهارده عليهم بالذات هاحكي و اتكلم
    هاحكلكم اللي شفتوا مع اعز الناس عليّه
    اللي كنت فاكر ان هم بيخافوا و بيهتموا بيّ
    و الحب هي المعامله الاساسيه, لكنها ممحيه
    الصحوبيه منسيه و القلوب بقت معميه
    بيدوروا على المصالح مهما كانت الفضايح
    ولو انت أعز الناس,صدقني ده مبدأ منهم رايح
    و كل همهم يوقعوا بينك و بين اصحابك
    أحبابك اللي دلوقتي بقوا ذكرى في كتابك
    بيستغلوا يأسك في نفسك دايما في وقت ضعفك
    و ياخدوا كل اللي في ايدك ويرموك و يستنوا اللي بعدك
    ده بقى صعب تلاقي واحد في المك, جرحك, زعلك
    يواسيك, يراضيك, يحميك, يفاديك,يحاول يرجع لك فرحك


    محمد ياسر:

    سبحان اللي مصبرني اني اشوف منافقين جنبي
    خلوا حياتي حزينه و كمان سودوا قلبي
    مع اني واقف جنبهم و لهمومهم دايما أرمي
    يبقى ده ذنبهم,وعمره ما كان ذنبي
    تلاقي اللي بيتمنظرعلى حساب واحد صاحبه
    و يجيبه في وقت عوزه علشان يقف جنبه
    بعد ما ياخد مصلحته على طول يكون قالبه
    وبكده تكون حطمته وكمان وقفت عقله
    يا صاحبي لازم تكون لصاحبك دايما ملازم
    لمشاكله دايما واقف ولأحلامه دايما راسم
    زعلان منه واجه, وماتكونش لزعلك كاتم
    قرّب منه خليك جنبه و لنفسه على طول فاهم
    في الوقت ده والزمن اللي احنا مرميين جواه
    الحب تاه, الخيانات, حوارات بقت ملياه
    والحقد معاه ليه يا زمن كل ده لينا شايلاه
    واخده الحبيب مناعلى طول و الدنىء لينا سايباه

    ابراهيم فاروق:

    المصلحه و السلبيه همّا مفتاح القضيه
    و دي حاجه بنشهدها في حياتنا اليوميه
    كل حاجه في حياتنا بتتحول لنقديه
    من محبه لضمير, مبقاش في مصداقيه
    و النقطه الاساسيه, ان الصداقه اختياريه
    بس ليه ساعة التضحيه, كله بينفي المسؤليه؟
    الاولويه الدنياويه ,لللي معاه جنيه أو 100
    و الصداقه دلوقتي, بقت فلوس و عربيه
    و دي بيقولوا عليها "الحياه العصريه"
    انا شايف ان دي سمه من سمتنا المصريه
    لو مفيش مصلحه, بتبقى المعامله رسميه
    و حتى التحيه, بقت مصلحه انتهازيه
    من صداقه لأنانيه, دي مرحله انتقاليه
    "مصلحه فوق كل شيء", ده شعار الدنيا ديه
    دي اغنيه انتقاديه, لأن الناس استغلاليه
    ياريت نرجع للأصل و نعيش حياه طبيعيه
    instrumental


    _________________

    alex boyz rap
    omar mega

    mafia_alex
    عضو جديد
    عضو جديد

    عدد الرسائل : 2
    تاريخ التسجيل : 16/05/2009

    رد: كلمات اغنيه: الصراحه _ اسفلت

    مُساهمة من طرف mafia_alex في الأحد مايو 17, 2009 9:49 am

    الله عليك يا مان
    بس مفيش لينك لتحميلها ولا ايه

      الوقت/التاريخ الآن هو الجمعة يونيو 22, 2018 9:37 pm