منتديات الاسكندرانيه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات الاسكندرانيه

    ازاي تسجل اغنيه راب

    omar_kaka
    omar_kaka
    Admin
    Admin


    عدد الرسائل : 128
    العمر : 33
    الدوله : 0
    تاريخ التسجيل : 11/06/2007

    ازاي تسجل اغنيه راب Empty ازاي تسجل اغنيه راب

    مُساهمة من طرف omar_kaka الأحد يونيو 29, 2008 2:40 pm

    بسم الله الرحمن الرحيم وبه نستعين

    الموضوع ده معمول عشان كل واحد عايز يعرف أي حاجه تخص إنه إزاي يسجل أغنيته,يعرف
    وده نتيجة لإن في ناس كتير بتسأل,وأكيد كل واحد عنده مشغولياته ومش هيفضل يشرح لكل واحد لوحده ولازم نلتمس الأعذار للغير
    بس بليز يا جماعة في تنبيهات صغيرة أوي لازم نقولها

    مفيش حد يكون مش بيعرف يكتب ويقول أكتب إزاي,مع إحترامي للجميع لو إنت مش هتعرف تكتب يبقي ما تغنيش من البداية

    مش لازم من أول أغنية ليك تعمل فيها العجب,إطلع السلم خطوة خطوة وعلي مهلك

    محدش يسأل يعمل بيتات خاصة بيه إزاي,لأن حاجه زي دي مش ممكن حد هيعرف يشرحهالك إزاي عالنت

    مش شرط ال75 مليون مصري يغنو راب,أكيد لما تعمل الحاجه علي أكمل وجه هتنجح فيها وسبحان الله إللي مش بيعرف يكتب وبيعافر مع نفسه ده أو صوته مش مساعده وإلخ..,ممكن يكون ناجح في حاجه تانية أحسن من الراب بكتير

    محدش يسأل يعني إيه فلوه وإزاي أعمل فلوه لنفسي,أو يقول أنا بعرف أكتب بس مش عارف أكتب عالبيت,دي حاجه لازم إنت تعرفها بنفسك ولنسفك,زي ما كل واحد ليه أسلوبه في الحياة والتفكير,كل رابر ليه الفلوه إللي بيميزه وليه كلماته في التعبير

    إحنا دايما بنقول إن الراب مش عايز أصوات حلوة أه,بس مش معني كده إننا بنقول الراب لازم إللي يغنوه بكون أصواتهم غليظة أو غير عادية,طبعا لازم يكون صوتك طبيعي جدا ومفهوش حاجه غلط

    أولا:التسجيل

    هنستخدم مع بعض برنامج السوني أسيد 6 وده لأنه برنامج شامل وفي نفس الوقت بسيط ومشهور عالميا
    طبعا بعد ما كتبنا كلماتنا وظبطنا البيت علي قدها هنبتدي نسجل

    ودي هتكون الصفحة الرئيسية للبرنامج

    ازاي تسجل اغنيه راب Img-resized Reduced: 66% of original size [ 600 x 421 ] - Click to view full image
    ازاي تسجل اغنيه راب Mainscreendt1

    هنيجي في المنطقة بتاع التراكات,إللي هي دي

    ازاي تسجل اغنيه راب Img-resized Reduced: 50% of original size [ 800 x 289 ] - Click to view full image
    ازاي تسجل اغنيه راب Tracksareaok3

    وهنعمل إضاقة تراكين زي الصورة دي

    ازاي تسجل اغنيه راب Img-resized Reduced: 50% of original size [ 800 x 288 ] - Click to view full image
    ازاي تسجل اغنيه راب Tracksareawithmenuri4

    بعد عمل الخطوة إللي فاتت مرتين هتظهرلنا نفس الصورة بس بعد إضافة التراكين إللي قلنا عليهم طبعا,زي كده

    ازاي تسجل اغنيه راب Img-resized Reduced: 50% of original size [ 800 x 290 ] - Click to view full image
    ازاي تسجل اغنيه راب Tracksareawith2trackshq2

    طبعا أنا إللي كاتب الكلام الموجود عشان أوضح ليه عاملين تراكين مش واحد,أول تراك هنشد فيه البيت من المكان إللي موجود عندنا في الجهاز وتاني تراك عشان نسجل فيه صوتنا,بعد ما نشد البيت في التراك الأول هيكون عندنا الشكل ده

    ازاي تسجل اغنيه راب Img-resized Reduced: 50% of original size [ 800 x 288 ] - Click to view full image
    ازاي تسجل اغنيه راب Tracksareawith2tracksbevx4

    وكده إحنا جاهزين نسجل صوتنا عالبيت عشان الأغنية تكمل,طبعا هنجيب الماركر أو البوينتر في أول التراكين خالص وأهم حاجه إن إحنا هندوس علي علامة التسجيل إللي في التراك الفاضي بحيث إن إحنا نحدد إن التراك ده بس هو إللي هيتسجل فيه,زي الشكل ده

    ازاي تسجل اغنيه راب Img-resized Reduced: 50% of original size [ 800 x 289 ] - Click to view full image
    ازاي تسجل اغنيه راب Tracksareawith2tracksbeli2

    كده إحنا في كامل الإستعداد إننا نسجل,وبالضغط علي علامة التسجيل إللي في الصورة الجاية,هنلاقي إن الماركر بيمشي والبيت شغال والتراك التاني إللي حطينا عليه علامة بيتسجل فيه الصوت إللي جاي من المايك

    ازاي تسجل اغنيه راب Img-resized Reduced: 50% of original size [ 800 x 289 ] - Click to view full image
    ازاي تسجل اغنيه راب Recordingpz9

    وطبعا بعد ما نخلص تسجيل هندوس علي ستوب أو إيقاف من البوتومز أو الزراير إللي تحت زي الصورة إللي جاية وهيكون عندنا الشكل ده علي سبيل المثال

    ازاي تسجل اغنيه راب Img-resized Reduced: 50% of original size [ 800 x 288 ] - Click to view full image
    ازاي تسجل اغنيه راب Fininshedsa7

    ملحوظة:السهم في الصورة إللي فاتت موجه لزر ستوب إللي قلت عليه

    دلوقتي إحنا خلصنا تسجيل وباقيلنا 3 حاجات نعملهم مع البرنامج,أول حاجه إننا هنحفظ البروجيكت ككل وده عشان لو حبينا نعدل في حاجه بعد كده عن طريق نفس البرنامج,تاني حاجه هنحفظ الصوت بس من غير البيت عشان لو هنعمل ماسترينج ليه أو هنضيف إيفيكتات أو فلاتر,تالت حاجه هنحفظ التراك أو الأغنية كلها علي بعض عشان نسمعها

    حفظ المشروع ككل

    ازاي تسجل اغنيه راب Img-resized Reduced: 50% of original size [ 800 x 271 ] - Click to view full image
    ازاي تسجل اغنيه راب Savingprojecttk5

    وهيظهرلنا طبعا مربع تاني هنكتب فيه إسم المشروع ونختار المكان زي أي برنامج تاني

    حفظ الصوت فقط بدون البيت

    أول حاجه هنقفل صوت البيت عشان أما نحفظ,نحفظ الصوت بس,وده عن طريق الضغط عالزرار إللي عليه السهم في الصورة دي

    ازاي تسجل اغنيه راب Img-resized Reduced: 50% of original size [ 800 x 288 ] - Click to view full image
    ازاي تسجل اغنيه راب Mutingthebeatvi0

    تاني حاجه هنعمل حفظ زي الصورة دي

    ازاي تسجل اغنيه راب Img-resized Reduced: 50% of original size [ 800 x 269 ] - Click to view full image
    ازاي تسجل اغنيه راب Savingthewaveonlyvs3

    وهيظهرلنا مربع تاني نكتب فيه إسم الويف أو الصوت والجودة أو الكواليتي والكلام ده

    حفظ الأغنية أو التراك علي بعضه

    طبعا في البداية هنلغي الموت أو كتم الصوت إللي عملناه في الخطوة إللي فاتت وبنفس الطريقة إللي حفظنا بيها الويف أو الصوت لوحده هنحفظ الأغنية ككل

    وبكده إنتهي تسجيل الأغنية وجاهزة لإننا نسمعها

    تعريفات مهمة

    الماسترينج عملية فرعية ممكن نعملها أو منعملهاش وهي بشكل بسيط إضافة الفلاتر والإفيكتات أو المؤثرات علي الصوت

    التوزيع طبعا غير الماسترينج,التوزيع هو عملية إضافة بعض الأصوات زي الأهات أو البكاء أو الكلام ده كله في داخل موضوع الأغنية لزيادة إحساس المستمع وتجميل الأغنية

    المتطلبات إللي لازم من توفرها عندنك عشان تسجل أغنيتك

    مايك نضيف طبعا وياريت يكون معاه فلتر عشان يخفف نسبيا الوش إللي في الصوت

    كارت صوت نضيف لا يقل مثلا عن 256 ميجابايت

    برنامج السوني أسيد 6 إللي إشتغلنا عليه

    بعض الملحوظات المهمة

    دي مش نفس الطريقة إللي بسجل بيها لنفسي لأني بحاول أبسطلك المعلومة ومش بدخلك في متاهات مش مهمة في بدايتك

    أنا أعدت حوالي ساعتين عشان أعمل الموضوع ده ليكم مش لية وبذلت مجهود فيه,يا رب يكون هيفيدكم فعلا ويا رب ما أكونش قصرت في حاجه

    وإنتظرو قريبا إن شاء الله موضوع لشرح الماسترينج والتوزيع

    برنامج السوني أسيد

    Click Here

    Or Here

    The 100% Working Sony Products Keygeners Here

    Wiz My Best Wishez..Mc.Vostix ازاي تسجل اغنيه راب Biggrin

      مواضيع مماثلة

      -

      الوقت/التاريخ الآن هو الخميس مارس 28, 2024 11:59 pm